A formación divídese por seccións instrumentais. Está composta por tres surdos, tambores máis graves, que fan a base do ritmo, tres ou catro caixas, dous ou tres repiques, tres ou catro tamboríns e un chocallo. A formación instrumental pode variar dependendo do ritmo que se está a interpretar.

Hoxe o repertorio do “Batuke Galego” está dividido en tres grandes seccións das que se encargan cada un dos nosos tres directores. Xurxo dirixe o Baiao, mentres que Lucas fai o propio co Samba e Narci co Samba reggae e o Reggae Baiano. Isto faise porque deste xeito, a interpretación de cada ritmo é máis pura e conséguese un sonido moito mellor xa que entre sección e sección o bloco ten que cambiar un pouco o “chip”, debido á diferencia existente entre eles. Mentres o director non está exercendo a súa principal función pasa a formar parte do bloco, integrándose nas súas filas, polo que sempre hai dous directores tocando cos demais músicos e un terceiro dirixindo.

É un espectáculo ideal para calquer tipo de público e para calquer momento xa que consegue, mediante a forza do ritmo, animar o evento no que se presente.