O bloco afro de Trópico de Grelos trae todo o sabor das rúas de Salvador de Bahía e a esencia da súa negritude, nun estilo que hoxe por hoxe atópase plenamente consolidado con formacións da importancia de Olodum, ou Ilê aiyê.

O esquema de instrumentos é diferente ao usado no Samba, cunha maior importancia e número de surdos (tambores máis graves), que se xuntan cos repiques e caixas e cos timbaus para darlle a este espectáculo un carácter e unha personalidade propios e diferenciados.

O Samba Reggae de Trópico caracterízase pola contundencia, tanto do ritmo como dos seus cortes ou fraseos ao unísono. O público asistente a este espectáculo non ficará indiferente dende que comecen a soar as primeiras notas dos tambores.

Un efervescente repertorio e unha continua pesquisa nos seus diferentes estilos e novidades son garantía de calidade neste espectáculo, ideal para a noite e a festa.